Urur siyaasadeedka Mideeye ayaa jawaab ka bixiyay baaq uu dhawaan jeediyay madaxweynaha Puntland Siciid Deni kaas oo ahaa in Mideeye ku soo noqdo hannaanka doorashooyinka qof iyo cod.
Warfare-saxaafadeed ka soo baxay urur siyaasadeedka Mideeye ayuu ku caddeeyay in aysan diiddanayn doorashooyinka hannaanka xisbiyada badan ee qof iyo cod islamarkaana ku kalsoon yihiin codka shacabka.
Waxaase Mideeye u soo jeediyay madaxweynaha Puntland Siciid Deni in uu aqbalo wada-hadal ay isugu yimaadaan dowladda iyo siyaasiyiinta mucaaradka ah si looga wada-hadlo khilaafaadka ka taagan hannaanka doorashooyinka qof iyo cod.
Ururka ayaa sidoo kale madaxweyne Deni u soo jeediyay in uu gebi ahaanba ka laabto wax ka beddelkii lagu sameeyay dastuurka Puntland kaas oo uu ku tilmaamay mid sharciga baal-marsan.
PUNTLAND POST
