Faahfaahin dheeri ah ayaa ka soo baxaysa khasaaraha ka dhashay dagaal beeleed xooggan oo ka dhacay miyiga degmada Towfiiq ee gobolka Mudug.
Goob-joogayaal ku sugan degmada Towfiiq ee gobolka Mudug ayaa sheegaya in dagaalka uu laba maleeshiya-beeleed ku dhexmaray degaanka Buq oo ka tirsan Towfiiq.
Ugu yaraan inta la xaqiijiyay 10 ruux ayaa ku geeriyooday dagaalka oo gelinkii danbe ee shalay dhacay halka tiro kalena ay ku dhaawacmeen islamarkaan weli ma jirto cid kala dhex gashay labada dhinac.
Colaadda labada reer oo soo noq-noqotay ayaa la sheegay in heshiis laga gaaray sannadkii 2023 balse mar kale ayuu shalay dib u qarxay dagaalkii labada dhinac.
PUNTLAND POST
