MUQDISHO [SMN] – Shirkadda Hormuud Telecom ayaa mar kale muujisay kaalinta ay ka qaadaneyso kobaca dhijitaalka ee Soomaaliya, kadib qoraal ay ku baahisay barteeda X [Ex-Twitter]. Shirkaddu waxay iftiimisay in doorkeeda hal-abuurka leh uu si weyn u saameeyay horumarka dalka, iyadoo tilmaantay in, inkasta oo tiknoolajiyadda si degdeg ah isu beddasho, himiladoodu weli tahay isku xirka iyo awood-siinta bulshada Soomaaliyeed.
Maanta, Soomaaliya waxay cagta saartay waddadii horumar waara, iyadoo si isa soo taraysa u soo jiidaneysa indhaha beesha caalamka. Hormuud waxay aaminsan tahay in horumarkaasi uu ku fadhiyo suuq xor ah oo tartan furan leh, si simanna ugu fidiya fursadaha dhammaan bulshada.
Shirkaddan Soomaaliyeed oo ah tan ugu weyn ee gaar bathroom leeyahay dalka gudihiisa, ayaa hormuud u ah adeegyada casriga ah ee isgaarsiinta iyo dhijitaalka. Hormuud ayaa ku guuleysatay in ay adeegyo muhiim ah, sida lacag dirista taleefanka, gaarsiiso dhammaan gobollada dalka, laga bilaabo magaalooyinka ilaa tuulooyinka fogfog.
Adeegyada shirkaddu waxay si weyn u taageereen waxbarashada, ganacsiga yaryar iyo kuwa dhexe, iyo fursadaha dhaqaalaha, taasoo fududeysay in bulshada Soomaaliyeed ay si sahlan isku dhaafsadaan xog, lacag, iyo ganacsi maalinle ah. Hormuud waxaa si weyn loogu amaanaa in ay tahay xal waara oo dhab ah oo ka jawaaba baahiyaha bulshada dhinaca isgaarsiinta iyo adeegyada dhijitaalka ah gudaha iyo dibadda dalka.
Tan iyo markii la aasaasay sannadkii 2002, Hormuud Telecom waxay door muuqda ku lahayd dhismaha kaabeyaasha tiknoolajiyadeed ee Soomaaliya. Maanta, waxaa lagu tiriyaa mid ka mid ah shirkadaha ugu horumarsan gobolka marka laga eego adeegyada web xawaare sare leh iyo isgaarsiin tayo leh oo qiimo jaban.
Hormuud waxay noqotay astaan lagu garanayo horumar, hal-abuur iyo adeeg hufan oo ka tarjumaya baahida shacabka Soomaaliyeed ee xilligaan casriga ah.
