Wararka ka imaanaya magaalada Laascaanood ayaa xaqiijinaya in halkaas galabta lagu dilay Alle ha u naxariistee Abwaankii Soomaaliyeed ee Jaamac Kediye.
Goob-joogayaal ku sugan Laascaanood ayaa noo xaqiijiyay in marxuum Jaamac Kediye uu ku dhintay madaafiic ciidamada Somaliland ku garaaceen magaalada.
Geerida Abwaanka waxa sidoo kale ka hadlay xubno kamid ah SSC-Khaatumo oo xaqiijiyay in uu ku dhintay duqaynta ciidamada Somaliland ka wadaan Laascaanood.
Xubnaha kamid ah SSC-Khaatumo ayaa geerigda Abwaan uga tacsiyeeyay guud ahaan umadda Soomaaliyeed iyo gaar ahaan qoyskii uu ka baxay.
Mas’uuliyiin ka tirsan Puntland iyo dowladda Federaalka Soomaaliya ayaa sidoo kale ka tacsiyeeyay geerida marxuum Abwaan Jaamac Kediye.
PUNTLAND POST
