Wararka ka imaanaya magaalada Gaalkacyo ayaa sheegaya in halkaasi Caawa Rasaas laba dhinac ah laga maqlay jidka kala qeybiya Xaafadaha Garsoor iyo Wadajir.
Mileeshiyaad ka soo kala jeeda labada xaafadood ayaa lagu soo warramaya in ay Rasaasta is weydaarsanayaan islamarkaana Khasaare dhimasho iyo dhaawac leh uu ka dhashay is rasaasayntaasi labada dhinac.
Warar madax bannaan ayaa sidoo kale tilmaamaya in xiisadda labada dhinac salka ku hayso dagaal beeleed waayadan ka socday galbeedka Gobolka Mudug gaar ahaanna inta u dhexaysa degaannada Saax-qurun iyo Jiicboor.
Ilaa iyo hadda mas’uuliyiinta Amniga Puntland iyo Galmudug midna weli kama hadlin xiisadda laga soo sheegayo Gaalkacyo iyo rasaasta labada dhinac ah ee laga maqlayo jidka kala qeybiya xaafadaha Garsoor iyo Wadajir ee magaalada.
PUNTLAND POST
