Dhaq dhaqaaqyo ciidan iyo Rasaas goos goos ah ayaa galabta laga maqlayaa jiidda degaanka Qorilugud oo ka tirsan gobolka Togdheer.
Ciidamada SSC-khaatumo iyo kuwa Somaliland oo Jimcihii ku dagaallamay inta u dhexaysa Shangeed iyo balliga Galgal ee nawaaxiga Qorilugud ayaa galabta is weydaarsanaya rasaas goos goos ah.
Wararka ayaa sheegaya in Ciidamada labada dhinac ay samaynayaan dhaq dhaqaaqyo xooggan islamarkaana ay jiraan gurmadyo ciidan oo ku biiraya labada dhinac ee is hor fadhiya.
Dagaalkii Jimcihii ayaa bilowday kadib markii ciidamada Somaliland oo kaashanaya mileeshiya-beeleedyo ay weerar gaadmo ah ku soo qaadeen ciidamada SSC waxaana dagaalkaasi ka dhashay khasaare labada dhinac.
PUNTLAND POST
