Hoggaamiyaha Xizbullah Xasan Nasrallah ayaa ka digay in kooxdiisa Iran ay taageerto ay beegsan doonto bartilmaameedyo cusub oo Israa’iil ah haddii dad kale oo rayid ah lagu dilo duqaymaha Israa’iil ee Lubnaan.
Xizbullah iyo Israa’iil ayaa si maalinle ah gantaallo isugu weydaarsanayey xuduudda tan iyo markii uu billowday dagaalka Xamas iyo Israa’iil kadib weerarkii kooxda reer Falastiin ay ku qaaday Israa’iil 7-dii October.
“Haddii cadowgu uu sii wado beegsiga dadka rayidka ah sidii uu sameeyay maalmihii la soo dhaafay, markaas tani waxay nagu riixi doontaa inaan bartilmaameedsanno meelaha aynaan ilaa hadda beegsan,” ayuu yiri Nasrallah.
Nasrallah ayaa uga digay Israa’iil cawaaqibka ka dhalan kara duulaan kasta oo ay ku qaado Lubnaan, isagoo sheegay in Israa’iil aysan u hari doonin wax taankiyo ah, haddii dagaal weyn uu qarxo.
PUNTLAND POST
